Sköpunarstraumar

Sköpunarstraumar í Háskólabíói

Í tengslum við Barnamenningarhátíð hafa nemendur Melaskóla tekið þátt í skemmtilegu draumasmiðjuverkefni og hjálpast að við að skreyta glugga Háskólabíós með marglitum formum sem lýsast upp í vorsólinni. 

Vorboðinn ljúfi

melaskoli0045

Þriðjudaginn 9. maí kl. 14:00 er væntanlegum nemendum í 1. bekk boðið í skólaheimsókn. Þar fá verðandi nemendur að hitta bekkjarfélaga sína, leysa skólaverkefni, fara í frímínútur og borða nesti. Nánari upplýsingar fyrir foreldra og forráðamanna er að finna hér.

4.bekkur á Ásmundasafni

Nemendur fjórða bekkjar hafa að undanförnu heimsótt Ásmundarsafn og fengið tækifæri til að kynnast verkum myndhöggvarans Ásmundar Sveinssonar sem þar bjó og starfaði. Það er vel við hæfi að kynna nemendum skólans þennan frábæra listamanns sem bjó m.a. til hanann á kringlunni, sem er eitt helsta einkenni skólans auk myndverka ofan við innganginn á Skálanum. Vel var tekið á móti nemendum sem höfðu mjög gaman af að skoða safnið, fá leiðsögn, teikna myndir og príla í höggmyndunum í garðinum

Stjörnufræðikynningar

Í vikunni buðu nemendur í 6. bekk foreldrum sínum á forvitnilegar stjörnufræðikynningar. Nemendur uppfræddu gestina um undur sólkerfisins og óravíddir alheimsins með veggmyndum og glærukynningum. Auk fróðleiks og fræðslu buðu nemendur upp á kaffi og meðlæti. Myndirnar eru frá kynningum í 6.ÓS.